الروايه التي شدت الجميع {{جروح كلها جروح عيت لاتروح}}

في بيت جـــــــــــــــــــــــروح..
ام جروح وهي مستعجله ..يله يمه عمانك بيجون الحين وانتي توك ماجهزتي..
جروح.بارتباك واضح. يمه خايفه احس رجولي موشايلتني مدري وش البس محتاره ؟(وجالسه تنكش بالدولاب.. )..
ام جروح ضمت بنتها وهي تحاول تهديها وهي بنفس الوقت عجزت تمسك دمعتها....هههههه يابنيتي ..كل البنات كذا هذا الشي عادي ..الله يسعدك ويهنيك مع اللي يستاهلك ويرفع قدرك ويعوضك ..
**جروح وهي تمسح دمعة امها **.اللهم اامين يمه بس ولا تزعلين روحك انا اللي شفته بهالبيت وتقصير ابوي علينا يهونه حبك لي وحسن تربيتك وحضنك الدافي ودعواتك
اللي تخلي المر عسل يمه حنانك وحبك لي يخليني افكر ارد عريسي وأقابلك احسن..
.. ام جروح ..وكأنه فزت من كابوس لالالالا يمه تكفين لاتردينه انا ماصدقت ...ينفتح لنا باب الفرح تبين تسكرينه ..
.ضحكت جروح على حال امها.هههه الله يخليك يمه اجل يلَه اختاري لي شي عجزت اختار.. وابيك بعد تستشورين لي هالخصله ذبحتني كل ما زينتها لفت مره ثانيه .
ام جروح وعلامات الفرح بوجهها..ان شاء الله يمه وانا كم لي من بنت ادلعها بأحلى يوم في حياتي بس شوي بأروح ازل القهوه لاتطيش وتمتر((هدا تعبير نسبه الى طعم القهوه
اللي لايمكن تقبله خصوصا مع اللي يكيفون بالقهوه ويعرفون لها ههههه)) طلعت ام جروح للمطبخ اما جروح فرجعت تدور بالدولاب لاكن هالمره اخذها تفكيرها بعيد شوي..

بأيش كانت تفكر بذاك الوقت واللي خلاها توقف قدام المرايه و تبتسم ؟؟
قبل كذا ابي اعرفكم على بطلتنا جروح بشي بسيط((جروح بنت مملوحه جمالها طبيعي بشرتها بيضاء ,انف صغير,عيونها كبيره وحلوه شعرها طويل اشقر مدرج تدريج حلو يناسب وجهها البيضاوي وكل من شافها يعجب بشعرها واللي كان غزير وناعم فيه لفه طبيعيه تسحر النظر.. طولها حلو وجسمها متناسق واللي يحليها لبسها الناعم اللي يعطيها اناقه متناهيه.. بنوته فيها خفه دم تحب الحياه مهووسه بالالكترونيات وغرامها اكل الكريم كراميل)).
.................................................. .................................................. ...............
ابتسمت جروح يوم تذكرت الموقف اللي صار لها مع ولد عمتها نواف قبل كم شهر..
وتحديدا في يوم ملكة بنت عمتها فوزيه>>>>> كانت جروح بكامل زينتها ...لابسه فستان حرير فيروزي موديله نااااااااعم ابرز تناسق جسمها ..كان مكياجها بسيط ..وشعرها نازل بطريقه روعه متلفف وصاير شكله جنان....
كان نواف ينتظر خالته فوزيه يبي يبارك لها ملكة بنتها عهود..هدى راحت تجيبها من داخل لان البيت كان مليان وفوزيه كانت تغلي نواف غلا كبير علشان كذا مااعترضت انهاتطلع له بالملحق.وتسلم عليه...
وخلال انتظاره..رن جرس البيت ..قامت امه نوال تفتح الباب و اللي كانت عند ولدها لانها ماحبت تتركه لحاله.كان اللي عندالباب جروح وامها ..وقبل ماتدخل جروح لداخل البيت حبت تفك عبايتها وتشوف مكياجها بالمغاسل الخارجيه التابعه للملحق .. دخلت الملحق بسرعه لانها ماكانت متوقعه ان فيه احد .عمتها نوال انشغلت مع امها ونست تنبهها على وجود نواف.. رتبت عبايتها على السريع ورمتها واخذت الروج والقلوس وفرشه الشعر من الشنطه واتجهت للمرايه بدون ماتحس باللي جالس بزاويه المجلس .. ***نواف جالس بزاوية المجلس حتى يحافظ على خصوصيه وحرمة المكان.. بعيد عن مدخل البيت***

نواف واللي انبهر بالقمر اللي قدامه جمال وجسم واناقه واكثر شي شده شعرها اللي كان مسرح بطريقه حلوه ماقدر الا انه يتفرج عليها وهو يبتسم..
انتهت جروح بسرعه من ترتيب مكياجها .. رجعت الاغراض للشنطه ودخلت الملحق علشان تاخذ عبايتها .. تفاجأت بنواف اللي كان يناظرها بنظرات جمدت فيها عروقها .. حست بأحساس اللي انكب عليه مويه بارده ارتبكت راحت يمين ويسار حست انها ضيعت الباب.. وبعد ماتبادلوا نظرات خاطفه واللي دق معاه قلب جروح من الشاب اللي قدامها بجاذبيته..شالت عبايتها وانحاشت وهي تردد بنفسها .. ياخزيااااااااااه اكيد الحين يتحمد ربه ويقول من هالمرجوجه العمياء اللي ماتشوف ولا تحس ؟؟؟
نواف في وسط انبهاره كان تفكيره غييييييييييييييييييير عن اللي ببال جروح .. ماشاء الله وش هالملح كله والله وكبرتي وتغيرتي .. وين ذيك البنت الهاديه الحيويه اللي كانت ماتتعدى حجر امها .. ولا ترضى احد يقرب منها .. وين ايامك يوم كنا نناديك تجين تلعبين معنا وانتي ترفضين وتبكين .. كان كل اللي حولك يحبونك على ادبك واخلاقك .. الله يازمن الحين هذي هي قدامي مثل القمر..
كانت هذي هي المره الاولى اللي يشوفها نواف بعد ما كبرت وصارت عروس حلوه ..
بعد كم اسبوع وبعد ماتأكد من اللي في خاطره وقلبه.. فاتح امه بالموضوع وعلمها بانه وده يكمل نصف دينه وانه حاط بنت خاله جروح في باله من زمان.. طبعا ماعلمها باللي صار لانه خاف على مشاعر جروح ..نوال فرحت من قلبها وتمنت انهم يكونون لبعض..لان الكل كان يشهد لها بالأخلاق وجمال الروح
.بعدها بفتره زارت نوال ام جروح ببيتها كزياره مبدئيه تمهد للموضوع وتستفسر اذا احد متكلم عن البنت..قبل ماتصير الخطبه رسميه فرحت ام جروح من كل قلبها على نواف لانه رجال ومايعيبه شي.. اما ابو جروح كان متردد لاكنه وافق بعداقناع من عماتها نوال وفوزيه..حددوا يوم الخطبه .واللي هو اليوم..
.................................................. ............................................
في بيت ابو محمد >>>
نوال اللي كانت معصبه وهي تحاكي نفسها...
يااااااااااااااااااااااااااااااااااااااااه بيجنني سلطان .. انا قايله له بنروح لبيت محمد قبل اذان المغرب والحين الناس صلوا وهو ماشرف............صفنت شوي وهي رافعه راسها لفوق>>>>>>>>>.انا غلطانه اللي اعتمد عليه وينك ياابو نواف ..تكون معاي بهالوقت.. تفرح وتشوف ولدك ماشاء الله كبر وصار عريس ..
((((ابونواف كان مدير كبير بالاتصالات ..وبيوم كان باجتماع مهم في الشركه اضطر انه يتأخر لساعه متأخره ..طلع من دوامه مهدود وتعبان ويغالبه النوم ..ولما كان يسوق سيارته بطريق الملك عبدالله انفجر عليه الكفر ولفت سيارته ..وتقلبت واللي كان السبب في وفاته في الحال..وبعد التحقيق تبين ان الحادث قضاء وقدروتسكر بعدها ملف القضيه..كان ابو نواف يقدس الحياه الزوجيه و يحترم زوجته بشكل ملفت ..فرح يوم سمع خبر حمل زوجته وكانت فرحته اكبر يوم ولدت وجابت له نواف... كان عمر نواف ذاك الوقت اربع سنوات..))
..**وبعد تفكييييييييييير طويل ..دخل عليها سلطان وهو لاف الشماغ على وجهه ويتسلل مثل الحراميه وهو عارف انها موجوده**
.ام نواف.الحين ماتقولي الله يهديك ياخوي يوم اني اقولك بنروح لبيت محمد ابكر من هالوقت وانت تقولي ابشري ....واللي بط كبدي زياده انك مسكر جوالك ....
سلطان وهو يبتسم لها..الله الله الله كل ذا لي اجل لو اني ابطيت اكثر من كذا وش كان قلتي... وجوالي ماسكرته كان خارج التغطيه..**وهو يقرب عندها ** الله يخليك يااحب اخت لي بالعالم ..
ام نواف ..بديناااااااااااااا !!!!!!!! سلطان .. لا انتهيناااااااااااا اشكرك بصراحه ياوخيتي على مشاعرك النبيله .. هههههههههه و يحب راس اخته.. **كان الاحترام بين الاخوان في هالبيت ينحسد عليه بصراحه **..
**سلطان كان يحترم اخته الكبيره بشكل ملحوظ صدق انه كان يستهبل معها بعض الاحيان.. ويطلع ريحتها بأغلب المواقف الا ان المحبه لها لا يمكن وصفها**..
.والله يام نواف غصب علي جتنا بضاعه من جده عن طريق البر ولما وصلت كان لازم اشرف عليها تعرفيني مااعتمد على احد لو من يكون
واول ماخلصت امرها عند الجمارك جيتك ركض وطبلوني يقول طن طن طن طن ..
ام نواف .**وعلامات الضحك على وجهها**. الله يغربل بليسك انت بتقعد تطن طن لا متى يالله تكفى رح استعجل كانك بتغير ملابسك وتاخذ لك دش..
سلطان .. دش ولا ساتالايت ؟؟
ام نواف يووووهوووووووووووه سلطان شف ثيابك مرتبتها فوق اخلص علينا ..وانت نازل طق على نواف بغرفته علشان تنزلون مع بعض تراه من فتره جاهز ويحتريك..
رد عليها وهو يرقى الدرج بسرعه خلاص ان شاء الله احسبي لي عشر دقايق واحنا جايينك ..
. طيب ترفق على عمرك بغيت تخبط الجدار ههههههههههههههههههه .

((( سلطان شخصيه مرحه كثير مع زملاءه والمقربين له يحب يضفي جو من المتعه في اي مكان يجلس فيه بس بحدود الادب والاحترام وفي نفس الوقت كانت له
هيبه غريبه بين عماله واللي يشتغلون عنده !!يمكن لانه معطي كل واحد حقه من الاحترام والتقدير بس وقت الجد والغلط يعطي كل ذي حق حقه من دون تهاون ..
خلص دراسته الجامعيه واخد الباكاليريوس في اداره الاعمال ومن بعد وفاه ابوه تولى زمام التجاره في مصنعه وااللي كان مختص
في صناعه المشالح الرجاليه واللي كان لها صيتها وشهرتها في اسواق الرياض والاسواق المحليه في مدن ثانيه مثل جده والمدينه والقصيم وابها
..كان شغله الشاغل يرتفع صيت ابوه الله يرحمه حتى بعد موته لذلك هو حذر و دقيق في تجارته!! ولا يعتمد على اي احد ..كان يعتمد على نفسه في كل شي
صغيره وكبيره. اما من الناحيه العاطفيه فكان قلبه يميل لوحده من بنات جيرانهم اسمها **روان **.. اللي ربى وياها في حاره وحده من ايام الطفوله كانت تجي تلعب مع بنات اخته
نوال ((عبير وعهود)) لانها كانت من عمرهن وهو اكبر منهم بشوي يعني سنتين او ثلاثه.. بس علشان يكون قريب منها وهي كانت بعد تهتم فيه بس من كبرت نسته وعاشت حياة
طايشه
..........اما سلطان لحد الحين يحبها لكن حبه من طرف واحد .. بيني وبينكم كان يفكر يرتبط بها على باله الى الحين تبادله نفس الشعور بس كان كاتم حبه الى اجل قريب يفاتح فيها اخته بالموضوع علشان يتقدم لها بس حب انه يأجل ..حتى ينتهي موضوع ولد اخته ((نواف)) مع بنت اخوه ((جروح)) ويرتبطون ....
كانت **روان**من النوع اللي يحب يبرز جماله ويفتن اللي حوله .يعني .((مثلا)) كانت تلبس عبايه على الكتف ومطرزه بالالوان الملفته للانتباه وطريقه اللثام ومكياج العين تحرص انها تتفنن فيه اذا بغت تطلع لاي مشوار وما خفي كان اعظم .لاكان عليها لاحسيب ولا رقيب ابوها وامها كبار بالسن ..تاركين الحبل على الغارب ..يسمونها دلوعة البيت مقتنعين ان تصرفاتها مثل اي وحده من بنات جيلها.. جيل مايمكن تحكم فيه البنت !!!!..باقي اخواتها متزوجات و من سابع المستحيلات ترضى انهم ينصحونها او يتدخلون بشؤونها .. ماصفى بالبيت الاهي واخوها اللي منشغل بحياته الخاصه ..



وش راح تتوقعون يصير لجروح في يوم خطبتها وكيف تكون رده الفعل من الجميع؟؟؟؟؟وليه ابوها يكن لها كل هالمشاعر الغريبه ...؟؟؟؟؟
.................................................. .................................................. .................................................. ...............



ترقبوا الجزء الثاني لاكن بعد مااشوف منكم حماس للروايه