خلطه جدا خطيره للشعر ومجربه

[center]

خلطة هاجرية كول الله يوفقها امين
السلام عليكم ورحمه الله وبركاته

كيف الحال خواتي

استوقفني موضوع اختي سحر الغرام ومشكلتها مع شعرهااا وحطيت لها الحل وقلت خل افيد الجميع لاني من جد استفدت من خلطتي

تبين شعرج يكثف/يطول/ يمنع التساقط/يصير ناعم/فيه لمعه حريريه

عند هاجرية الحل

والله يابنات اني من النوووع اللي مايستمر على خلطات بس هالخلطه من اول استخداااااااااااااااااام

والله العظيم مابالغ والله على كلاني شهيييييييييد

كل اللي شاف شعري سالني وعطيته الطريقه

وان شاء الله ماراح تندمون

النتيجه من اول استعمال مابالغ في هالشي

راح يطول شعرك ويكثف ويصير قوي وله لمعه تجننننننن

تخيلووا استخدمت الخلطه اربع مرات ومحد شافني ويوم رحت النادي وقعدت امارس الرياضه انفل شعري الكل تهبل عليه حتى المدربة الاجنبية ماتت عليه وسالتني عن الطريقه

واحلفلكم بالله جاتني بعد يومين تحبني وتقول اشكرك على الطريقه تقول عجيبه بينت معها من اول استعمال

ماراح اطول عليكم هذي هي الخلطه

تجيبين بصله متوسطه الحجم مقسمه الى اربع اقسام
2 فص ثوم مقسمين الي نصفين
3 ملاعق كبيره سدر مطحون
زيت خروع
زيت زيتون
كمية من الماااء

الطريقه

جيبي البصل والثوم وحطيهم في الماي وانتي حددي كمية الماي اللي تناسب شعرج وخلي البصل والثوم يغلي في الماي لين يصير لون الماي اصفر

بعدها صفي الماي من الثوم والبصل

وجيبي باقي المقادير (سدر،زيت خروع،زيت زيتون) واخلطيهم في الماي واعجينهم مثل عجينه الحنه لاهي سائله ولا جامده نص ونص وبعدها خليها لين تبرد شوي
وبعدين حطيها في شعرج بالمساااء وبالصبح اغسليه

راح تقولين ثوم وبصله وريحه ..الخ اوعدج وووعد انه ماراح تحصلين ولا ريحه انا نفسج قبل اجرب الخلطه خفت بس يوم جربتها مافيها ريحه ابد

وصدقيني بتلاحظين الفرق من اول استخدام

ويفضل تستخدمينها مرتين بالاسبوووووع لنتيجه اسرع

واي سؤال انا في الخدمه

بس طلبتكم تكفون تدعون لي بالتوفيق والزوج الصالح والستر بالدنيا والاخره

اختكم

هاجرية كول

منقوووول[/center]

مشكوره على الخلطه والنقل ونجرب ونشوف اهم شي مايكون فيها ريحه

الريحه انا اضمنها انها ماتطلع لك عن تجربه وكمان انا جربتها من دون سدر حلوه
بس انتبهوا تكثرون خروع
انا استخدمتها مع زيت السمسم اللي من تهامه او حتى العادي لان زيت الزيتون معروف عنه انه يساقط الشعر
وبعد ترى الخلطه تجفف الشعر مرره عشان كذا زيتيه بعد ما تغسلينه
.
.
تحياتي
.
.
.

الله يعطيك الف عافيه على الموضوع باذن الله اجربها